"Rabitabank" ASC-nin Yaşıl istiqrazları Bakı Fond Birjasında listinqə daxil edilmişdir.
"Rabitəbank" ASC-nin ümumi dəyəri 10.000.000 manat olan Yaşıl istiqrazları 18.09.2023-ci il tarixində Bakı Fond Birjasının Listinq Komitəsinin qərarı ilə premium bazar seqmentində listinqə daxil edilmişdir.
Yaşıl istiqrazların yerləşdirilməsi Bakı Fond Birjasında rəqabətli hərrac üsulu ilə həyata keçiriləcəkdir. Yerləşdirmənin başlanmasına ən azı 2 iş günü qalmış hərracın baş tutacağı tarix BFB-nin internet səhifəsində investorlara açıqlanacaqdır.
Anderrayter və marketmeyker xidmətləri “Capital Partners İnvestisiya Şirkəti” QSC tərəfindən həyata keçiriləcəkdir.
İstiqrazların emissiya prospektini BFB-nin internet səhifəsində “Emitentlərin profili” (https://www.bfb.az/az/emitentler) bölməsindən əldə edə bilərsiniz.
İstiqrazlar üzrə məlumat aşağıdakı kimidir:
|
Dövlət qeydiyyat nömrəsi – İSİN |
İstiqrazların növü və forması |
İstiqrazların sayı |
Nominal Dəyəri |
İllik faiz dərəcəsi |
Ödəmə periodu |
Tədavül müddəti |
|
AZ2005003556 |
Faizli, təmin edilməmiş sənədsiz adlı istiqrazlar |
100,000 (ədəd) |
100 manat |
9.5% |
Hər 3 (təqvim) aydan bir. (İl 360 gün, ay 30 gün) |
2 il |
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nın internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilmişdir.
